Հեղինակ՝ Նորայր Շահինեան
Հրատարակչութիւն՝ Արաս
Տարեթիւ՝ 2015
200 էջ
30 x 20 սմ
60 եւրօ
ՆՈՐԱՅՐ ՇԱՀԻՆԵԱՆ
Ծնած է 1979-ին Պրազիլիոյ Սաօ Փաօլ քաղաքը, Ուրֆացի, Մարաշցի, Իսկենտերունցի եւ Քեսապցիներէ բաղկացած ընտանիքի մէջ : Լուսանկարչութեան հանդէպ սէրը կու գայ մեծ հօրմէն, Աւետիս Շահինեանէն, ով Մարաշէն գաղթելէ ետք, հաստատուած է Հալէպ, եւ հիմնած Սթուտիօ Ֆօթո Շահինեան արուեստանոցը : Ստացած է ճարտարապետութեան եւ արուեստի պատմութեան ուսում : Զանազան լուսանկարչական նախագիծեր իրագործած է : Հարաւային Ամերիկայի, Եւրոպայի, Կովկասի եւ Միջին Արեւելքի մէջ: Լուսանկարները հրատարակուած են օրաթերթերու եւ պարբերականներու մէջ : Մասնակցած է զանազան ցուցահանդէսներու : 2008 թուականին, Պուէնոս Այրեսի մէջ հրատարակած է Արմէնիա անունով լուսանկարներու ալպոմ մը : 2012-ին առաջին անգամ մեկնած է Թուրքիա, իրենց երկրէն հեռանալու պարտադրուած ընտանիքին հետքերը գտնելու նպատակով: